Дэлхийн сагсан бөмбөгийн хамгийн хүчирхэг лиг NBA-ын шинэ улирал эхэлж, "Кливлэнд Кавальерс"-ийн Андерсон Варэжао 23 самбараас бөмбөг авалт, 9 оноо, 9 оновчтой дамжуулалт өгч, нээлтийн тоглолтод гол тоглогчдоо бэртэлд алдсан "Уизардс"-ыг 94-84-өөр хожлоо. Кайри Өрвин 29 оноогоор багаа тэргүүлсэн бол довтлогч Тристан Томпсон 12 оноо, 10 с.б.а, 5 о.д хийж сайн тоглосон байна.

"Уизардс"-аас Жон Уолл, Нэнэ нар гэмтлийн улмаас оролцоогүй ч дөрөвдүгээр үед онооны зөрүүг ойртуулж, сайн өрсөлдсөн байна. Сэлгээнээс гарч тоглосон Жордан Крофорд 11 оноогоор багаа тэргүүлсэн бол Эмэка Окафор 10 оноо, 7 с.б.а, 4 блок хийж багтаа тус болсон байна.

"Кавальерс"-ийн рүүки Дион Уэйтэрс гараанд гарч 17 оноог авчээ. Харин Вашингтоны гарааны хамгаалагчид болох А.Ж Прайс, Брэдли Бийл нар 4-21 довтолж, маш муу тоглосон нь хожигдлын үндэс болсон нь мэдээж.