Алдарт “The Beatles” хамтлаг бутарсанд Йоко Оно буруугүй гэсэн Пол Маккартнигийн үгийг “The Guardian” сонинд нийтэлжээ. Түүний хэлснээр Ливерпулийн дөрвөл тэртэй тэргүй салж байсан гэнэ. Харин Йоко Оно Жон Ленноны амьдралд эергээр нөлөөлсөн хэмээн тэр онцолжээ.  “Йокогийн учир явдлыг харах тэргүүн үзэл санаа нь Жон Леннонд нөлөөлж, түүнд өөрөөр амьдарч болохыг үзүүлж өгсөн. Тэр нь Жонд таалагдсан” хэмээн Маккартни ярьжээ.

Үүний хажуугаар тэр урланд Йоко Оно ирэх болсонд нь дургүй байсан гэв. “The Beatles” хамтлагийн дунд хагарал гарахад жараад оны эцсээр хамтлагийн менежер байсан Аллен Клейний нөлөө их байсныг тэр хэлэв.

“The Beatles” урлагийн хамгийн сүүлчийн 12 дахь "Let It Be" пянзаа 1970 оны тавдугаар сард гаргаад тэр жилдээ салан бутарчээ. Хамтлагийн хагарал тийм ч  хүнд байгаагүй учир нь бид ихээхэн бүтээлээ бичүүлж амжсан байлаа гэж Маккартни өгүүлэв. Түүний энэ талын бүрэн хэмжээний ярилцлага ирэх сард Дэвид Фростын телевизийн нэвтрүүлэгт  гарах ажээ.