Тайванийн Тайпэй хотноо Азийн оюутны сагсан бөмбөгийн  аварга шалгаруулах IV тэмцээн өнөөдөр нээлтээ хийлээ. Тус тэмцээнийг зорьсон  ОУХМ Ш.Сэдбазар, Д.Пүрэвдорж нарын дасгалжуулагчтай Монголын оюутны шигшээ баг эхний тоглолтоо Хонгконгийн багтай хийж, 73:67-ийн харьцаатай ялсан байна. Тус тоглолтод

Б.Билгүүн /ОТИС/-22 оноо
Т.Санчир /МУИС/-18 оноо
Ц.Азбаяр /МУИС/-12 оноо
Д.Дэлгэрням /ШУТИС/- 11 оноо тус тус авчээ.

Монголын оюутны шигшээ баг маргааш 15.00 цагаас БНХАУ-ын шигшээ багтай хоёр дахь тоглолтоо хийнэ. Тус тэмцээний нээлтийн ажиллагаанд ССАЖЯ-ны Биеийн тамир, спортын бодлогын хэрэгжилтийг зохицуулах газрын дарга, Азийн оюутны спортын холбооны гүйцэтгэх хорооны гишүүн Д.Жаргалсайхан оролцож үг хэлж, анхны хожлоо авсан шигшээ багийн залуустаа баяр хүргэж, амжилт  хүсчээ.