Улсын хэмжээнд энэ жил ургацын урьдчилсан тооцоогоор 481.0 мянган тонн үр тариа, үүнээс 468.8 мянган тонн буудай, 208.9 мянган тонн төмс, 99.4 мянган тонн хүнсний ногоо, 28.6 мянган тонн  тосны ургамал, 30.8 мянган тонн малын тэжээлийн ургамал тус тус хураан авахаар тогтоожээ. Тэгвэл, аравдугаар сарын 29-ний байдлаар ургац хураалтын талбайн ажил үндсэндээ дуусч, урьдчилсан дүн гарсан бөгөөд орон нутагт буудай, төмс, хүнсний ногооны борлуулалтын ажил үргэлжилж байна.

Энэ жилийн хувьд байгаль цаг уурын давагдашгүй хүчин зүйлийн нөлөөгөөр  нийтдээ 13.8 мянган га талбайн ургац хяруунд цохигдон, малын тэжээлд шилжсэнээр хураан авах буудайн хэмжээ 22.0 мянган тонноор буурсан байна.