Олон улсын хөлбөмбөгийн холбоо ФИФА Баллон д’Ор буюу оны шилдэг хөлбөмбөгчийн төлөө нэр дэвшиж буй 23 тамирчныг зарлалаа. Энэ дунд Уэйн Рүни цорын ганц англи тоглогч бөгөөд түүнийн клубын анд Робин ван Перси жагсаалтад багтжээ.

Өнгөрсөн улирлын Английн Премьер лигийн аварга "Манчестер Сити" клубээс С.Агуэро, М.Балотелли, Яя Туре нар нэрлэгдсэн ч тэдний ахлагч, шилдэг хамгаалагч В.Компани багтсангүй. Аваргуудын лигийн аварга болсон "Челси" клубээс ганц ч тоглогч дуудагдаагүй ч энэ зун Хятадын клуб руу явсан Дидье Дрогба багтлаа. Харин Испанийн клубээс ихэнх нь буюу 12 тамирчин нэрлэгдсэн юм. Үүнээс "Реал Мадрид"-ын зургаа тоглогч, "Барселона"-гийн таван тоглогч багтжээ. 

Ирэх арваннэгдүгээр сарын 29-нд Бразилийн Сан Паулу хотноо эдгээр 23 тамирчнаас шилдэг гурвыг шалгаруулан, эцсийн шалгаруулалт нэгдүгээр сарын 7-нд Швейцарийн Цюрих хотноо болно. Баллон д’Ор-н эзнийг тодруулахад нийт 209 дасгалжуулагч болон шигшээ багийн ахлагч нар мөн Францын хөлбөмбөгийн сэтгүүлийн 50 сэтгүүлч тус бүр саналаа өгдөг билээ.

Нэр дэвшсэн 23 тамирчин:

1. Икэр Касильяс (Реал Мадрид)
2. Криштиано Роналдо (Реал Мадрид)
3. Сэрхио Рамос (Реал Мадрид)
4. Хаби Алонсо (Реал Мадрид)
5. Мэсут Озил (Реал Мадрид)
6. Карим Бэнзэма (Реал Мадрид)
7. Хави Эрнандэс (Барсэлона)
8. Андрэс Иньеста (Барсэлона)
9. Лионэл Мэсси (Барсэлона)
10. Жэрард Пикэ (Барсэлона)
11. Сэрхио Бускэтс (Барсэлона)
12. Яя Турэ (Манчэстэр Сити)
13. Сэрхио Агуэро (Манчэстэр Сити)
14. Марио Балотэлли (Манчэстэр Сити)
15. Жанлуижи Буффон (Ювентус)
16. Андреа Пирло (Ювентус)
17. Уэйн Рүни (Манчэстэр Юнайтэд)
18. Робин ван Перси (Манчэстэр Юнайтэд)
19. Дидье Дрогба (Шанхай Шэньхуа)
20. Радамел Фалкао (Атлетико Мадрид)
21. Златан Ибрагимович (ПСЖ)
22. Мануэл Нойер (Байерн Мюнхен)
23. Нэймар (Сантос)