Монголын үндэсний сагсан бөмбөгийн холбоо, “TLG13” ТББ хамтран Спрайт супер лиг болон дээд лигийн шилдэг 16 багийн дундах сагсан бөмбөгийн “Холбоодын цом”-ын аварга шалгаруулах тэмцээнийг зохион байгуулах гэж байна. Дөрөв дэх удаагийн “Холбоодын цом”-ын тэмцээн арваннэгдүгээр сарын 12-18-нд СТО-нд болох аж. Тэмцээний  техникийн зөвлөгөөн ирэх сарын 8-нд 19.00 цагт СТО-нд болох гэнэ.

Тэмцээний аваргаар шалгарсан баг хоёр сая төгрөг, өргөмжлөл, бэлэг дурсгалын эзэд болно. Харин дэд аварга нэг сая төгрөг, өргөмжлөл,  бэлэг дурсгалын эзэд болох бол гутгаар байр 800 мянган төгрөг, өргөмжлөл, бэлэг дурсгалын зүйлээр шагнуулах юм байна. Мөн тэмцээний MVP буюу шилдэг тоглогч “NBA china game” үзэх эрхийн эзэн болно. Түүнчлэн билэгдлийн гарааны тоглогчдыг тодруулах юм байна.