АНУ-ын Ерөнхийлөгчийн сонгуульд улиран өрсөлдөж буй одоогийн Ерөнхийлөгч Барак Обама сонгуулийн кампанит ажилдаа гаршсан нэгэн аж. Ерөнхийлөгч Барак Обама өөрийгөө дэмждэг алдартай оддоор сурталчилгаагаа хийлгээд зогсохгүй, өөрийн нэртэй тоглолт зохион байгуулж, бүр өөрийн нэртэй эд зүйлсийг худалдах хүртэл арга хэмжээ зохион байгуулж байгаа гэнэ. Харин Барак Обамагийн хамгийн том дэмжигчдийн нэг R&B супер од Бейнсе түүний зохион байгуулсан кампанит ажилд идэвхтэй оролцдогийнхоо хувьд сүүлд зарлаад буй “Обама”-гийн нэртэй эд зүйлсийг худалдах худалдаанд өөрийн “обама” ээмгээрээ оруулахаар болсон байна. Дуучин Бейонсегийн “обама” ээмэг нь том “о” үсгэн цагираг дотор “бама” гэдэг үсгүүдийг бичсэн алтан ээмэг бөгөөд үүнийг үнэт эдлэлийн загвар зохион бүтээгч Эрика Пена урлажээ. Эрика Пена энэхүү “обама” ээмгийг нийт 2000 орчим хувь бүтээсэн ба алтадсан бүрмэл ээмэг нь 32 ам.доллар, харин мөнгөн нь 28 ам.долларын үнэтэй юм байна.