Уянгын дууны ханхүү гэгддэг Испанийн нэрт дуучин Энрике Иглесиас хоёр долоо хоногийн өмнө “Finally Found” цомгийнхоо ажилд орсон гэнэ. Тэрээр уг шинэ цомогтоо орох “Thinking of you” нэртэй хайр сэтгэлийн тухай уянгын дууныхаа клипийг өнөөдрөөс эхлэн  фэнүүддээ хүргэж байгаа юм байна. 

Уянгалаг дуу хоолойгоороо дэлхийн олон мянган хөгжим сонирхогчдыг байлдан дагуулдаг тэрээр хамгийн анх Уилл Смиттийн “Wild Wild West” киноны дууг дуулсан нь Америкт төдийгүй дэлхий дахинд нэр алдрыг нь цууриатуулсан. Өдгөө 37 настай Энрике “Billboard Music Awards”-ын 16, “Billboard Latin Music Awards”-ийн 23, “American Music Awards”-ийн тав, Грэммигийн тав, Латин Грэммигийн таван удаагийн шагналыг тус тус хүртэж байжээ.