Хууль зүйн дэд сайд Э.Эрдэнэжамъянгаас өнөөдөр АТГ-ын мөрдөн байцаагч гэрчийн мэдүүлэг авах гэсэн тухай мэдээлэл тархаад байна. Хууль зүйн дэд сайд Э.Эрдэнэжамъян, УИХ-ын гишүүн О.Баасанхүү нар “АТГ-ынхан урьдчилан мэдэгдэлгүйгээр буюу хууль бусаар, ямар үндэслэлээр мэдэгдэхгүй гэрчийн мэдүүлэг өгөхийг шаардсан” гэж мэдээлээд байгаа.

Энэ тухай АТГ-ын Мөрдөн шалгах хэлтсийн ахлах мөрдөн байцаагч Д.Наранбаатараас тодруулахад “Бүх зүйл хуулийн хүрээнд болсон. Өнөөдөртөө тодорхой мэдээлэл өгч хараахан амжихгүй байна. Бид маргааш энэ асуудлаар мэдээлэл хийх болно” гэв.