Холливуудын эрхэмсэг бүсгүйчүүдийн нэг жүжигчин Анжелина Жоли хүүхдүүддээ “Halloween”-ий баярт өмсөх хувцас, багнуудыг худалдан авахаар зургаан настай Шилоа болон Вивине, Накс нарын ихрүүдийнхээ хамтаар өчигдөр дэлгүүр хэсчээ. Гэр бүл найз нөхдийнхөө хүрээнд халуун дотноор тэмдэглэн өнгөрүүлэх “Halloween”-ий баярыг Анжелина нөхөр, зургаан хүүхдийнхээ хамтаар хөгжилтэй тэмдэглэхийг хүсч байгаа бололтой.

Дэлгүүр хэсэх үеэр тэрээр ганц эвэрт хирс, могой, туулай  гэх мэт ихрүүдийнхээ хамгийн дуртай тоглоомуудыг авч өгсөн гэнэ. Алхах гишгэх бүр нь олны анхааралд байдаг Брэд Пит, Анжелина нар тэмдэглэлт баяр бүрийг хүүхдүүдийнхээ хамтаар тэмдэглэхийг хүсдэг талаар Дейли онцолсон байна.

Уран бүтээлийн хувьд Брэд сүүлийн үед ихээхэн завгүй байгаа бол Жоли  хүүхдүүддээ ихэнх цагийг зориулж байгаа гэнэ. Түүнчлэн Холливуудын алдартай эрхмүүд саяхан  охин Вивинегээ “Maleficent” кинонд амжилттай тоглуулаад амжсан  юм.