Дэлхийн хоёрдугаар чансаатай Оросын теннисчин  Мария Шарапова Эмэгтэй тенниcчдийн холбооны (WTA) жилийн эцсийн шилдэг найман тамирчны  аваргын төлөөх тэмжээний хагас шигшээд өнгөрсөн бямба гаригт шалгарлаа. Тэрээр дэлхийн нэгдүгээр чансаатай Белорусийн  теннисчин Виктория Азаренког  6:4, 6:2 харьцаагаар хожлоо.

Стамбул хотноо болж байгаа энэ тэмцээний шийдвэрлэх тоглолтод Шарапова Америкийн теннисчин Серена Уильямстай тоглоно. Америкийн теннисчин хагас шигшээ тоглолтоор Польшийн Агнешка Радваньскаяг (6:2, 6:1) хожсон байв.

Энэ тэмцээний шагналын сан нь 4,9 сая ам.доллар. Тэмцээн хэрхэн өндөрлөхөөс үл хамааран Азаренко WTA-гийн чансааны жагсаалтыг тэргүүлсээр тоглолтын жилээ төгсгөж байна. Харин Шарапова хоёрдугаарт бичигдэж байгаа юм.