Жил бүрийн намар телевизийн шилдэг зураглаачдыг шалгаруулах “Алмаз-2012” наадмыг NTV телевизээс зохион байгуулдаг уламжлалтай. Уламжлалт наадам өнөөдөр болж, мэдээ сурвалжлагын шилдэг зураглаач, баримтат киноны шилдэг зураглаач, уран сайхны шилдэг зураглаач, чөлөөт сэдэв зохиомжийн шилдэг зураглаач, оюутны шилдэг бүтээл, гар утсаар авсан шилдэг бүтээл номинациудаар шилдгийг шалгаруулах гэж байна. Жил ирэх тусам агуулгын хувьд баяжиж, оролцогчдын хүрээг тэлж байгаа энэхүү наадамд  ойролцоогоор 200 шахам бүтээл ирсэн гэдэг мэдээлэл ирлээ.

Дашрамд сануулахад, “Алмаз-2012” наадамд Монголын телевизийн урлагт хүч үзэж байгаа зураглаачдаас гадна энэ чиглэлээр суралцаж байгаа оюутан залуус, хөрш орнуудын зураглаач нар ч оролцох боломжтой байдгаараа онцлогтой. Анх 2007 оноос эхлэн зохион байгуулагдаж ирсэн тус наадмаас энэ хугацаанд “Алмаз”-ын 20 гаруй шилдэг зураглаач тодорчээ.