Монгол Улсын Ерөнхийлөгч энэ долоо хоногийн ажлын эхний өдөр УИХ дахь МАН-ын төлөөллийн гишүүдтэй уулзаж, УИХ-ын тухай, УИХ-ын чуулганы дэгийн тухай хуулиудад нэмэлт өөрчлөлт оруулах тухай хуулийг санаачлан өргөн барихаа амласан юм. Тэгснээр УИХ-д МАН-ын бүлэг байгуулах тухай асуудал цэгцэрнэ гэдгийг хэлсэн.

Тэгвэл дөнгөж сая Монгол Улсын Ерөнхийлөгчийн Тамгын газрын дарга П.Цагаан УИХ-ын дарга З.Энхболдод Ерөнхийлөгчийн санаачилсан эдгээр хуулийн төслийг өргөн барилаа. Ингэснээр ирэх долоо хоногоос хуулийн төслүүдийг УИХ-аар хэлэлцэж УИХ дахь МАН-ын гишүүд бүлэг байгуулах боломжтой болох гэж байна.

Өргөн барьсан хуулиудын төслийн талаар Ерөнхийлөгчийн Хуулийн бодлогын зөвлөх Ч.Өнөрбаяраас тодруулга авсныг удахгүй хүргэнэ.