Олимпийн гурван удаагийн аварга бөх, Японы тамирчин Саори Йошидад тус улсын Засгийн газраас “Ард түмний бахархал” хэмээх шагнал олгожээ. Түүнийг нийгэмд, ард түмэнд итгэл найдвар, урам зориг авчирсан хэмээн үнэлж, ийнхүү шагнасан байна. Тэрээр Японы түүхэнд дээрх шагнал хүртэж буй 20 дахь тохиолдлын эзэн гэнэ. Харин спортын салбараас бейсболын тамирчин Садахарү О, жүдоч Ясүхиро Ямашита, марафонч Наоко Такахаши, мөн эмэгтэйчүүдийн хөлбөмбөгийн шигшээ багт ийм шагнал хүртээж байжээ.