Б.Чойжилсүрэн: Надад хамаагүй

Хуучирсан мэдээ: 2012.10.26-нд нийтлэгдсэн

Б.Чойжилсүрэн: Надад хамаагүй

Увс аймгаас сонгогд­сон УИХ-ын гишүүн Б.Чой­жилсүрэн, Ч.Хүрэлбаатар на­рыг УИХ-ын сонгуулийн үеэр сонгогчдод мөнгө тараасан гэ­дэг үндэслэлээр Тагнуулын ерөнхий газрынхан шалгасан. Шалгалтын явцад тэдний тус­лахууд УИХ-ын сонгуулийн үеэр сонгогчдын саналыг ху­далдаж авах зорилгоор мөн­гө тараасан гэдгээ хү­лээн зөв­шөөрсөн бөгөөд  энэ­хүү хэр­гийг одоогоор нийс­лэлийн Прок­рорын га­зарт   шилжүүлээд байгаа юм. Тиймээс тэдний туслах болох Ш.Чинбат, Я.Бат­тогтох нарыг сонгууль бу­дилаантуулж, төрийн эрх мэд­лийг хууль бусаар авах хуйвалдаан зохион байгуулсан гэх үндэслэлээр яллах дүг­нэлт үйлдэхээр болсон байна. Нө­гөө­тэйгүүр, УИХ-ын гишүүн Б.Чойжилсүрэн болон Ч.Хү­рэлбаатар нарыг УИХ-ын ги­шүүнээс нь эргүүлэн татах нөхцөл бүрдээд байгаа аж.
Энэ талаар УИХ-ын гишүүн Б.Чойжилсүрэнгээс тодруулахад дараахь хариултыг өглөө.

-Таны туслах УИХ-ын сонгуулийн үеэр мөнгө та­раасан гэдгээ хүлээн зөв­шөөрч, ял шийтгүүлэх бол­чихлоо. Энэ талаар та юу хэлэх вэ?

-Надад тэр талаар мэдэх юм алга. Өөрсдөөс нь асуусан нь дээр байх.

-Тэгвэл танд шүүхээс ямар нэгэн мэдэгдэл ирүүлээгүй гэж үү?

-Тийм зүйл огт байхгүй. Энэ бүхэн надад хамаагүй. Асуух гээд байгаа юм бол тийм мэдүүлэг өгсөн хүмүүсээс нь асуу гэсэн хариултыг өгч байна.

Р.САРАНГОО
NewsMN Гар утасны хувилбар Татах
NEWS.mn

Мэдээллийн эх сурвалж