Дэлхийн аваргын анхны мөнгөн медальт гавьяат тамирчин Р.Отгонбаяр агсны нэрэмжит боксын олон хотын нээлттэй нөхөрлөл тэмцээн өчигдөр эхэллээ. Залуучууд оролцож байгаа уг тэмцээнд дөрвөн өдөр үргэлжлэх бөгөөд Р.Отгонбаяр агсны боксын дэлхийн аварга шалгаруулах тэмцээнээс мөнгөн медаль хүртсэний 30 жилийн ойд хүндэтгэл үзүүлж буйгаараа онцлог юм. Р.Отгонбаяр боксын спортоор дэлхийн аваргаас анхны мөнгөн медалийг эх орондоо авчирсан нэгэн билээ.