АНУ дахь Олон улсын худалдааны  шүүх гар утасны зах зээлд тэргүүлэгч Apple болон Samsung компанийн зохиогчийн эрхийн асуудлаарх урьдчилсан  шийдвэрээ өнөөдөр танилцуулжээ. Шүүх хурлын урьдчилсан шийдвэрээр Вашингтоны шүүх Samsung-ийг Apple-ийн зохиогчийн эрхийг зөрчсөн хэмээн буруутгасан байна. Энэ удаагийн шүүх хурал өнгөрсөн наймдугаар сард Калифорны шүүх Apple-ийн талд шийдвэр гаргасны дараа Samsung АНУ-ын шүүхэд хандсан заргын урьдчилсан  хариу юм.

Хоёр компаний iPhone болон “touch-screen”-ий зохиогчийн эрхийн маргаан өнгөрсөн  зургадугаар сараас эхэлсэн бөгөөд Калифорны шүүхээр Apple 652 сая евро буюу 1.05 тэрбум ам долларыг Samsung-аас нэхэмжлээд байсан юм. Харин “Samsung”-ийн Вашингтоны Олон улсын худалдааны шүүхэд хандаад байсан энэ удаагийн заргын эцсийн шийдвэр ирэх оны хоёрдугаар сард гарах гэнэ. Олон улсын худалдааны шүүхийн шүүгч Томас Пэндерийн энэхүү шүүх хурлын урьдчилсан мэдэгдлээр Өмнөд Солонгосын Samsung компани Apple-ийн дөрвөн зохиогчийн эрхийг зөрчсөн, харин Apple өрсөлдөгчийнхөө хоёр зохиогчийн эрхийг зөрчсөн бөгөөд эцсийн шийдвэр хараахан гараагүй байгааг тэрээр  талуудад энэ үеэр сануулжээ.