УИХ одоогоор 71 гишүүнтэйгээр үйл ажиллагаа явуулж байгаа.  Өнгөрөгч зургадугаар сард болсон УИХ-ын сонгуулийн дүнд нэг тойрогт маргаан үүсч, хоёр тойрогт санал хүрээгүй учраас УИХ-д таван гишүүн тангараг өргөөгүй байгаа юм. Мөн  МАХН-МҮАН-ын “Шударга ёс” эвслээс намын жагсаалтаар нэр дэвшигч Ц.Оюунбаатар мөн тангарагаа өргөөгүй хэвээр буй. Учир нь УИХ-ын гишүүний тангараг өргөхийн өмнө “Шударга ёс” эвслээс намын жагсаалтаар нэр дэвшсэн хоёр гишүүнийг СЕХ-оос нэр дэвшүүлэхээс татгалзсанаас болж “Шударга ёс” эвсэл Үндсэн хуулийн Цэцэд хандсан байсан.

Эх сурвалжийн өгсөн мэдээллээр бол “Шударга ёс” эвслийн нэр дэвшигч Ц.Оюунбаатар ирэх долоо хоногт тангараг өргөхөөр болжээ. Энэ талаар тэрбээр өөрөө ч “7-10 хоногт багтаад УИХ-ын гишүүний тангаргаа өргөнө” гэлээ.