“Саутгоби Ресурс” компанийн ахлах хуулийн зөвлөх Сара Армстронгийг баривчилж, цагдан хориогүй ч Монголын нутаг дэвсгэрийг орхиж явахыг нь зөвшөөрөхгүй байгаа юм байна. “Авлигатай тэмцэх газар түүнээс байцаалт авч байгаа” гэж Австралийн ABC суваг мэдээндээ онцоллоо.

Нэрээ нууцалсан эх сурвалжийн мэдээлснээр “Саутгоби Сэндс” компани Ашигт малтмалын газрын дарга асан Д.Батхуягт авлига өгөхөөр санал болгож байсныг Сара мэдэж байсан гэх яриа бий.  

Сара Армстонгийг өнгөрөгч баасан гаригт Хонконг руу нисэх гэж байхад нь баривчилсан юм. Авлигатай тэмцэх газраас Ашигт малтмалын газрын дарга асан Д.Батхуягийг шалгаж байх хугацаанд “Саутгоби Сэндс” компанийн орооцолдсон авлигын болон 150 тэрбум төгрөгийн татвараас зайлсхийсэн үйлдэл илэрч, тусад нь шалгаж эхлээд байгаа юм.