Сүүлийн хоёр жилийн хугацаанд завсарлаад байсан сагсан бөмбөгийн залуучуудын улсын аварга шалгаруулах тэмцээнийг энэ жил Монголын үндэсний сагсан бөмбөгийн холбооноос зохион байгууллаа. Нийслэлийн багуудаас гадна хөдөө, орон нутгийн багууд ирж оролцсон тус тэмцээнд эрэгтэй 19, эмэгтэй найман багийн 400 орчим тамирчин өрсөлджээ. Ингээд эрэгтэйчүүдийн төрөлд аваргын төлөөх тоглолтод “TLG-13” баг “ОТИС”-ийг буулган авсан бол эмэгтэйчүүдийн ангилалд МУИС-ийн тамирчид “Багануур” багийг хожиж, аваргалжээ.

Тэмцээний шилдэг тоглогчоор эрэгтэй-А.Гансүх /TLG-13/, эмэгтэй-О.Болор-Эрдэнэ /МУИС/, шилдэг дасгалжуулагчаар МУИС-ийн багийн Ц.Цэвэрбал, “Увс” багийн Д.Нямжав нар шалгарсан байна. Харин шилдэг гарааны тоглогчдоор эрэгтэйчүүдээс Г.Чинбат /TLG-13/, Э.Дөлгөөн  /TLG-13/, Мөнхнасан /Эрдэнэдрийлинг RIGS/, Жавхлан  /Эрдэнэдрийлинг RIGS/, Тогтохбаяр /Увс/ нар, эмэгтэйчүүдээс О.Болор-Эрдэнэ /МУИС/, Чимэддолгор /МУИС/, Ө.Болормаа /Мон Алтиус/, Мөнхжаргал /Багануур/, А.Өнөрзаяа МУБИС/ нар тодорчээ. Тэмцээний ерөнхий ивээн тэтгэгчээр “I Chuk” компани ажилласан байна.

Дашрамд дуулгахад, Монголын үндэсний сагсан бөмбөгийн холбооноос ирэх арваннэгдүгээр сарын 12-нд Холбоодын цомын тэмцээнийг зохион байгуулна. Тус тэмцээнд Спрайт супер лиг болон дээд лигийн тус тус шилдэг найман баг өрсөлдөх юм.