Хошин урлагийн “Х-Түц” продакшны жүжигчин, алаг нүдэн И.Одончимэг буюу Одноо тайзнаас дэлгэц рүү, тэр дундаа телевизийн хөтлөгч болсон билээ. Тэрбээр Монголын телевизийн урлагт ид хүчээ авч буй ток шоунд хүч сорих болж, “Greative art” групптэй хамтран “UBS-2” сувгаар долоо хоног бүрийн лхагва, бямба гаригт “Odnoo’s talk show” нэвтрүүлгээрээ үзэгчидтэй уулзах болсон. Түүний зочны индэрт  Азийн ятгын хатан хаан Ч.Мөнх-Эрдэнэ, Соёлын гавьяат зүтгэлтэн, зохиолч Ч.Галсан, хөгжмийн зохиолч, төгөлдөр хуурч Б.Чинбат, Төрийн соёрхолт, Гавьяат жүжигчин Д.Сосорбарам, хошин урлагийн чадварлаг жүжигчдийн нэг С.Өлзийхүү нар уригдан халуун дотно яриа өрнүүлэн үзэгчдийг цэнхэр дэлгэцийн өмнө уях болсон. Тэгвэл тэрбээр www.odnoshow.com цахим хуудсаа нээжээ. Уг цахим хуудсанд зочлон “Odnoo’s talk show” нэвтрүүлгүүдийг дахин үзэх боломжтой ба гэрэл зургийн цомгийг сонирхож болох нь ээ.