Монголын Үндэсний статистикийн хорооноос нийгэм, эдийн засаг, хүн амын бүхий л судалгааг хэвлэмэл бүтээгдэхүүнээр гаргадаг байсан бол цаашид iPad, iPhone-оос тэрхүү мэдээллийг үзэх боломжтой болж байна. “Monstat” нэртэй аппликейшн ашиглан жил бүрийн “Монгол Улсын нийгэм, эдийн засгийн эмхэтгэл”, сар бүрийн “Бюллетень”, “Танилцуулга”, улирал тутмын “Үндэсний статистик” сэтгүүлээс гадна Хүн ам, орон сууцны 2010 оны улсын тооллогын “Нэгдсэн дүн”, сэдэвчилсэн судалгаанууд зэрэг олон төрлийн тооллого, судалгааны хэвлэмэл бүтээгдэхүүнийг татан авч, ашиглаж болох юм байна. Энэ нь үнэгүй бөгөөд хэвлэмэл бүтээгдэхүүн нь татаж авч, ашиглахад төрлөөсөө хамааран үнэлгээний хувьд  ялгаатай. Өөрөөр хэлбэл зарим товхимлыг үнэгүй татаж авч, ашиглах гэнэ.

“Monstat” аппликейшныг https://itunes.apple.com/us/app/monstat/id560409516?ls=1&mt=8   холбоосоор татаж авах боломжтой.

Түүнчлэн энэ онд www.1212.mn хаягаар “МОНСИС” буюу статистик мэдээллийн үйлчилгээний системээр хэрэглэгчдэд үйлчилж эхлээд байна. Энэхүү системээр олон жилийн статистик тоо мэдээллийг хүснэгт, график байдлаар харахаас гадна өөрийн хүссэн загвар, хэлбэрээр харах, хадгалж авч болох ажээ.