Орон нутгийн төлөөллөө сонгох өдөр ирэх арваннэгдүгээр сарын 21. Орон нутгийн сонгуульд өрсөлдөх нам, эвслүүд аравдугаар сарын 9-нд нэр дэвшигчдээ тодруулж дууссан бөгөөд тойргийн хороод нэр дэвшигчийг бүртгэх тухай журмын дагуу бүртгэж, нэрсийг олон нийтэд зарлах хуультай.

Хуулийн дагуу нэр дэвшигчдийг нийтэд зарлах хугацаа энэ сарын 20-нд дуусгавар болсон ч СЕХ нэр дэвшигчдийн нэрсийг гаргаагүй байна. Өөрөөр хэлбэл,  хаана, аль намаас хэдэн нэр дэвшигч Орон нутгийн сонгуульд өрсөлдөх нь тодорхойгүй хэвээр байна. Энэ талаар СЕХ-ноос тодруулахад “Нэр дэвшигчдийн нэрсийг гаргаж, нягталж байна. Удахгүй энэ талаар олон нийтэд зарлана. Олон тойрогт олон нэр дэвшигч байгаа учраас мэдээллийн зөрүүг шалгахаар тойргийн хороодтой холбогдон, нягталж байна” гэлээ.