УИХ дахь Ардчилсан намын бүлгийн дарга Д.Эрдэнэбат дөнгөж сая сэтгүүлчдэд мэдээлэл хийлээ. МАН-ын гишүүд өнөөдрөөс эхлэн УИХ-ын чуулганы нэгдсэн хуралдаанд оролцох шийдвэрт хүрсэн нь хоёр намын төвшинд хийгдсэн зөвшилцлийн үр дүн төдийгүй Монгол Улсын Ерөнхийлөгчийн зүгээс чуулганы гацааг арилган ард түмнийхээ өмнө хүлээсэн үүргээ биелүүлэх ёстой гэсэн байр суурийг илэрхийлж, ажлаа хийхийг үүрэгдсэнтэй холбоотой хэмээн мэдэгдлээ.

Энэ удаагийн чуулганы нэгдсэн хуралдаанаар УИХ-ын сонгуулийн 10 дугаар тойрог буюу Өвөрхангай аймагт Ардчилсан намаас нэр дэвшин өрсөлдсөн Г.Батхүү, Д.Зоригт нарын УИХ-ын гишүүний тангараг өргөх асуудлыг түр хугацаагаар хойшлуулсан болохоос бүр биш гэдгийг онцоллоо. Мөн Сонгуулийн ерөнхий хорооноос тэдний УИХ-ын гишүүний тангаргийг өргүүлэх хүсэлтийг УИХ-ын даргад өргөн мэдүүлсэн байхад буцаах ямар ч эрх зүйн үндэслэл байхгүй гэдгийг ч мэдэгдлээ. Дэлгэрэнгүйг удахгүй хүргэх болно.