Данийн Гадаад Хэргийн сайд Уилли Соевндал өнөөдөр БНСУ-д албан ёсны айлчлал хийхээр болжээ. Тэрээр гурван өдрийн айлчлалынхаа хүрээнд Өмнөд Солонгосын албаныхантай уулзаж,  хоёр орны стратегийн түншийн харилцааг хүчирхэгжүүлэх, эдийн засаг, байгаль орчны салбарт хамтран ажиллах талаар хэлэлцэх гэнэ. Түүний энэхүү айлчлал нь энэ сарын 7-нд Өмнөд Солонгосын Ерөнхий сайд Ким Хван-сик Данид дөрвөн өдрийн айлчлал хийсний дараа болж буйгаараа онцлог аж. Өмнөд Солонгосын Ерөнхий сайд Данид хийсэн айлчлалынхаа үеэр ногоон ирээдүйг хөгжүүлэх тухай олон улсын форумд оролцсон байна.