УИХ-ын тамгын газрын дарга Ц.Шаравдорж сэтгүүлчдэд мэдээлэл хийлээ.  Тэрбээр МАН-ын гишүүдийн суулт хуулийн хүрээнд болсон эсэхийг тайлбарлалаа.

Тэрбээр  “Төрийн ордон болон түүний ойр орчимд суулт хийх нь хориотой. Өөрөөр хэлбэл,  УИХ-ын чуулганы танхимын үүдийг хааж суусан нь Төрийн ордоны тухай хуулийг зөрчиж байгаа хэрэг” хэмээн мэдэгдлээ.

Өөрөөр хэлбэл,  МАН-аас УИХ-д сонгогдсон  гишүүд чуулган хэвийн явагдах боломжийг хааж, Төрийн ордоны тухай болон УИХ, УИХ-ын дэгийн тухай хуулийн хэд хэдэн зүйл заалтыг зөрчжээ.  Төрийн ордны тухай хуулийн  13-р зүйлд энэхүү хуулийг зөрчсөн  тохиолдолд захиргааны арга хэмжээ авах буюу  20-50 мянган төгрөгөөр торгоно гэж заасан байдаг аж. Харин хуралдааны дэгийг зөрчсөн тохиолдолд хуралдаанд оролцох эрхийг гурван цаг хүртэл хугацаагаар хасдаг байна.