“NEWS” агентлаг Засгийн газраас санаачилсан ард түмнээр төсөв хэлэлцүүлэх санаачилгыг дэмжин, “Төсөв 2013” медиа аяныг эхлүүлээд байгаа. Eagle телевизийн “Таны цаг” хөтөлбөр иргэдийн саналыг шууд утсаар сонсохын зэрэгцээ News.mn сайтын нийтлэлийн дагуух сэтгэгдлээр болон info@news.mn хаягаар  уншигчдын саналыг хүлээн авч байгаа. Мөн news.mn сайтын twiiter, facebook хуудсаар уншигчид саналаа ирүүлэх боломжтой.

Таны саналыг бид төсөв батлагчдад уламжилж, “Төсөв-2013” хэлэлцүүлгийн хүрээнд уригдаж буй албаны эх сурвалжуудаас асуух болно. 

News.mn  сайтад ирүүлсэн уншигчдын саналаас хүргэж байна.

NEWS.mn

-Бүтээн байгуулалтанд мөнгө зарах хэрэгтэй. Ялангуяа зам барихад мөнгө сайн зармаар байна. Чулуун голоос Солонгот явах хэвтээ тэнхэлгийн замыг олигтойхон бариач. Орон нутагт мөнгө өгөх гэхээс илүү засаг захиргааны өөрчлөлтийг түргэн хиймээр байна. Хамрын хийдийн зам, Ганданд дугана барих гэхээс илүү төрөх эмнэлэг, оношлогооны төв баримаар байна. Нийтийн хэрэгцээнд зориулсан бүтээн байгуулалт хийе. Ялангуяа хүнээ хөгжүүлэх, эрүүлжүүлэх боломж олгосон бүтээн байгуулалт чухал байна. Мөнгө тараахыг нэг хэсэгтээ зогсоох хэрэгтэй.

NEWS.mn

-Уул уурхайн салбарыг санхүүжүүлэхэд 3,6 тэрбум төгрөг зарцуулна гэсэн байх юм. Энэ ямар учиртай хуваарилалт вэ. Энэ мөнгөөр яг юу хийх вэ?