Ази тивийн аварга шалгаруулах аэробикийн тэмцээн энэ сарын 17-21-ний өдрүүдэд Индонезийн Пламбаг хотноо үргэлжилж байна. Нийт 11 орны баг өрсөлдөж буй тус тэмцээнд оролцогчид 12-14, 18-аас дээш насны ангилалд хүч сорьж байгаа юм.
 
Манай улсын багт есөн тамирчин багтан өрсөлдөж байгаа бөгөөд  12-14 насны ангилалын хосын төрөлд өрсөлдсөн 97-р сургуулийн сурагч Б.Хаш-Эрдэнэ, БТДунд сургуулийн сурагч Х.Содчимэг нар тэргүүн байрт шалгарч, Ази тивийн аварга боллоо. Энэ төрөлд өрсөлдсөн Б.Жавхлантөгс, Н.Мягмарсүрэн нар тавдугаар байр эзэлсэн байна. Түүнчлэн Б.Хаш-Эрдэнэ, Х.Содчимэг нар насны ангилалдаа ганцаарчилсан төрөлд тус бүр тавдугаар байр эзэлсэн бол О.Сийлэгмаа 8-р байрт шалгарчээ. Тэмцээний залуучуудын насны ангилал ба 18-с дээш насны ангилалын тэмцээн үргэлжилж байна.