УИХ дахь МАН-ын гишүүд суулт
зарласнаас хойш парламентын экс содон гишүүд Төрийн ордноор үзэгдэх
болов. Өчигдөр ордны лоозонтой тэмцлийн анхдагч Л.Гүндалай ирж, суулт
хийж байгаа гишүүдтэй гар барин, патентыг нь эзэнд нь хэлэлгүйгээр
эзэмшиж байгааг сануулсан бол өнөөдөр МАН-аас гарч, МАХН-ыг идэвхийлэн
байгуулалцаж яваад Хамуг Монголын Хөдөлмөрийн нам руу явж чимээ алдарсан
Ц.Шинэбаяр үзэгдэв.

Эрхэм гишүүн асан Ц.Шинэбаяр нэгэн үе нэг
намд зүтгэж, бас нэг “ангид” тохой нийлүүлэн сууж байсан МАН-ын нөхдөө
эргэж ирсэн юм байх. Л.Гүндалай, Ц.Шинэбаяр нарын “тэмцлээр хатуужсан”
гишүүд тэмцэхийн зовлон жаргалыг мэддэг болохоор ийнхүү нөхдөдөө санаа
тавьж буй бололтой.