Дэлхийн од Монголд саатлаа. Энэ бол хип хоп сонирхогч хэн бүхний шүтээн болсон амьд домог “Onyx”. 90-ээд оны залуусыг байлдан дагуулж байсан  “Onyx” хамтлаг хэдхэн цагийн дараа тайзнаа үэзгчидтэй уулзахад бэлэн болжээ. Өчигдөр эх оронд маань хөл тавьсан тус хамтлагийнхан өнөөдөр “Corporate” зочид буудлын хурлын танхимд 11.00 цагт хэвлэлийн бага хурал зарлан, сэтгүүлчидтэй уулзсан юм. Харин үүний дараа “Onyx”  хамтлагийг монголд байх хугацаанд цорын ганц ярилцлага авах эрхийг авсан “Mongol Mass Media” агентлагт тэд зочлон, “Eagle News" телевизийн эфирт “Click click boom” хамтлагийн хамт сонирхолтой ярилцлага өглөө.

Тэд маргааш Монголын хип, хопчдыг доргиох энэ намрын том тэсрэлтийг хийхээр зэхээд байгаа. Уг нэвтрүүлгийг бүрэн эхээр нь өнөөдөр орой “Боловсрол суваг” телевиз, “Music Box” суваг болон “Eagle News TV”-ээр хүлээн авч үзээрэй. 

“Onyx” болон “Click click boom”-ын тоглолт Яармаг дахь Буянт-Ухаа цогцолборт маргааш 18.00 цагт болно. Буянт-Ухаа спорт цогцолборт болох тоглолтын дараа тэд хамтдаа Нүхтэд байрлах “Corporate” зочид буудалд “VIP” тоглолт хийх бол 21-нд буюу ирэх ням гаригт “iLoft”-т “After Party” зохион байгуулна. Хип хопоор доргих хоёр хоног айсуй.