Хууль зүйн сайдын тушаалаар өчигдөр Хил хамгаалах ерөнхий газрын удирдлагад зарим өөрчлөлт оруулжээ. Сайдын тушаалаар тус газрын тэргүүн дэд дарга бөгөөд Штабын дарга, бригадын генерал А.Лхагвасүрэнг үүрэгт ажлаас нь чөлөөлж, түүний оронд хошууч генерал С.Гүржавыг томилсон байна. Генерал С.Гүржав нь урьд нь энэ албыг хашиж байсан гэнэ.

Мөн тус газрын Ар, тал хангалт хариуцсан дэд дарга, бригадын генерал М.Заяабаатрыг гавъяаных нь амралтад гаргаж, түүний албыг хурандаа Ч.Сайнтөр хашихаар болжээ.