Ливаны нийслэл Бейрут хотноо FIBA-гийн Азийн Аваргуудын цомын тэмцээнд оролцсон Монголын сагсан бөмбөгийн “Харцагууд” тэмцээнээ дуусгалаа. Шар тивийн таван орны баг өрсөлдсөн тус тэмцээний урьдчилсан шатны тоглолтууд өндөрлөж, “Харцагууд” дөрвөн тоглолтдоо хожигдсоноор хэсгийн шатнаас тэмцээнийг орхиж байна. Урьдчилсан шатанд багууд тойргийн системээр тоглосон бөгөөд амжилтаараа хамгийн тааруу нэг нь хасагдаж, үлдсэн дөрвөн баг 1-4, 2-3 оноолтоор тоглох юм.

Пэпси дээд лигийн аварга “Энержи Ресурс” компанийн “Харцагууд”-ын тухайд Ираны “Махрам”-д 121:66, Ливаны “Эль-Рияди”-д 100:53, Туркменистаны “Белент Ашхабат” багт 96:68, сүүлд Иракийн “Духок” багт 99:62 харьцаатай ялагдал хүлээжээ.