Төрийн Ордны Ёслол Хүндэтгэлийн Цогцолборт нээлтээ хийн Монголынхоо үзэгчдэд үнэ төлбөргүйгээр гэрэл зургийн гайхамшгийг дэлгэн үзүүлсэн энэхүү үзэсгэлэн хаалтаа хийхэд хоёрхон хоног үлдээд байна. National Geographiс-ийн гэрэл зурагчдын ур чадвар, уйгагүй хөдөлмөр, авьяасыг шингээсэн эдгээр гэрэл зургууд National Geographiс сэтгүүлд хэвлэгдэн гарч  нийгэмд олон өөрчлөлтийг хийж чадсанаараа алдартай. Жишээ нь гэхэд дайны хөлд талхлагдаж байсан афганчуудын нэг жирийн афган охины дүр төрх National Geographiс-ийн гэрэл зурагчдын дуранд бууснаар афган ард түмний зовлон зүдгүүр дэлхийн олон нийтэд хүрч афган охинд туслахыг хүссэн захидал дэлхийн өнцөг булан бүрээс сэтгүүлийн редакцийг дарж байсан түүхтэй. Үүний үр дүнд афган охидод зориулсан сургуулийг энэхүү хандив тусламжаар тус оронд барьж байгуулсан юм.

Ийнхүү гэрэл зураг тус бүрийн сэтгүүлзүй болоод нийгэмд оруулсан хувь нэмэр, авагдах агшны үүх түүхийг монгол, англи хэлээр хамтдаа өгүүлэх  шилдэг гэрэл зургууд энэ амралтын өдрүүдээр үзэгчдээ хүлээж байна.
Урлагийг дэмжигч, оюуны бүтээлийг үнэлэгч эрхэм үзэгч та бүхэн “50 шилдэг гэрэл зураг” болон хүүхдүүдэд зориулсан “Жигтэй үнэн”үзэсгэлэнг гэр бүл найз, нөхдөөрөө хамтдаа үзэж амралтын өдрүүдээ ая тухтай өнгөрүүлээрэй.

http://nationalgeographic.mn/