“The Black Eyed Peas” хамтлагийн дуучин Ферги “Уорнер Брос”-ийн телевизийн цуврал шоунд уригджээ. Фергиг шоунд хүрэлцэн ирэхэд түүний гарын үсгийг авах гэсэн олон мянган шүтэн бишрэгчид нь NBC телевизийн гадна цугласан байсан гэнэ. Дуучин бүсгүй ч фенүүдийнхээ хүсэлтийг уриалхнаар хүлээн авч, шүтэн бишрэгчдэдээ гарын үсэг өгч, хамтдаа зураг татуулжээ.

Саяхан тэрбээр Лос-Анжелест болсон “Halloween”-ий баярт оролцохдоо Холливудын жүжигчин Линдсей Лоханы дүрд хувирсан гэнэ. Энэ үеэр хүмүүс  түүнийг Лохантай андуурч “Halloween”-д зориулсан хувцсаа яагаад өмсөөгүйг  нь олон ч удаа  асуусан аж. Харин Ферги Лоханы дүрд хувирсан фото зургаа өөрийн Twitter-т тавихад олон мянган шүтэн бишрэгчид нь ихэд сонирхжээ.