Нийслэлийн Засаг дарга бөгөөд Улаанбаатар хотын захирагч Э.Бат-Үүл албан ажилдаа олон шинэчлэл нэвтрүүлж буй. Тэрбээр албан хэрэгцээндээ өндөр үнэтэй, зарлага өндөртэй, тансаг зэрэглэлийн машин унахгүй гэдгээ ажлаа авмагцаа мэдэгдэж байсан. Өмнөх хотын мэр Г.Мөнхбаяр албан хэрэгцээндээ Lexus-570 машин хэрэглэж байсан аж.

Тэгвэл Нийслэлийн Засаг дарга бөгөөд Улаанбаатар хотын захирагч Э.Бат-Үүл өмнөх мэрийн хэрэглэж асан Lexus-570 маркийн машиныг дуудлагаар худалдахаар болсноо өнөөдөр зарлалаа. Уг машиныг 144 сая төгрөгөөс эхлэн дуудахаар болжээ.