Хэнтий аймаг орон нутгийн төсвийн хөрөнгө  оруулалтаар 2230,0 сая төгрөгийн төсөвт өртөгтэй 44 төсөл арга хэмжээний худалдан авах ажиллагаа зохион байгуулж, есөн сарын байдлаар нийт санхүүжилтийн 84,3 хувь буюу 1881,1 сая төгрөгийн санхүүжилтийг олгон 29 төсөл арга хэмжээг бүрэн хэрэгжүүлж, 15 төсөл арга хэмжээ дуусах шатандаа буюу 80-аас дээш хувийн гүйцэтгэлтэй байна.

Орон нутгийн төсвийн хөрөнгө оруулалтаар Өндөрхаан хотын хатуу хучилттай автозам, Соёл амралтын хүрээлэн, Мөрөн сумын Өлзийт багийн төвийн барилга, Хэрлэнбаян-Улаан тосгоны конторын засвар, Өндөрхаан хотын төвийн дулааны шугам засвар, Усан бассейны барилгын гадна засварыг хийж, Дархан, Цэнхэрмандал сумдын ЗДТГ-ын барилгын газар шороо, суурийн ажлыг хийгээд байна. Мөн Батширээт сумын Хурх багийн төв, цагдаагийн кабон, Дэлгэрхаан сумын Хэрлэнтооно багийн төвийн барилга болон Чингисийн талбайн засвар, төрийн байгууллагуудыг дотоод сүлжээнд холбох ажил дуусч байна.