Оклахома мужийн Талс хотын нэгэн эмэгтэй ойртож буй хуй салхинаас айхдаа хөргөгчинд нуугдаад, тэндээ тав хоногийн турш түгжигдсэн байна. Тереза Кристиан гэх 59 настай эмэгтэй алга болсон тухай түүний хүү өнгөрсөн бямба гаригт цагдаагийн газар мэдээлжээ. Эхийгээ эргэхээр очсон тэр түүнийг гэрээс нь хайгаад олсонгүй. Мөнгө хөрөнгө нь бүрэн бүтэн, байрандаа байжээ. Хэтэвчээ гэртээ үлдээгээд гарахгүй гэж бодсон хүү нь цагдаад энэ тухай мэдэгдсэн байна. Харин Тереза Кристианы хөршүүд түүнийг хуй салхинаас айгаад хөргөгчинд нуугдсан байж магадгүй гэсэн нь тус болжээ. Ингээд түүнийг мягмар гаригт олсон байна.

Хөргөгч онгойлгоход Тереза яраглан ёолж байжээ. Тэр даарч, өлссөн, дээр нь шингэсэн алдсан, хөл нь хөлдсөн байсан гэнэ. Одоо тэрээр эмнэлэгт хэвтэн эмчлүүлж буй ажээ.