“Junior Style Stars” хэмээх Америк дахь оюутнуудын дунд зохион байгуулдаг үс засалтын тэмцээнд монгол бүсгүй түрүүлжээ. Тэмцээнд их, дээд сургууль, коллежийн оюутнууд өрсөлддөг бөгөөд тэд шүүгчдийн зүгээс санал болгосон хуримын засалтаар ур чадвараа гайхуулах ёстой гэнэ. Ингэхдээ үс залгах, будах хориотой, харин цайруулах, хэсэгчлэн будах, тайрахыг зөвшөөрдөг аж.

“Junior Style Stars 2011/12” тэмцээнд өрсөлдсөн оролцогчдоос Ж.Эрдэнэсувд хэмээх монгол бүсгүй ялагчаар тодорчээ. Тэрбээр Калифорни мужийн Санта Моникагийн коллежид суралцдаг гэнэ.