“Өглөөний мэнд” буландаа
“Anemone” хамтлагийн ахлагч Жульдыз буюу Жулиаг урьж шинэ уран
бүтээлийнх нь  болон А.Сүхбат аваргатай холбоотой гэх мэдээллийн талаар
тодруулсан юм.

-Өглөөний мэнд. Хаана явж байгааг тань сонирхож болох уу?

-Уншигчдадаа ч гэсэн өглөөний мэнд хүргэе. Одоо сургууль дээрээ байна.

-Хаана сурдаг билээ. Уран бүтээлээ хийнэ, хичээлдээ явна гээд ачаалал их байдаг уу?

-Би МУИС-ийн ГХСС-ын ангид сурдаг. Ер нь ачаалал их байдаг шүү. Гэхдээ хамт­лагийнхаа төлөвлөсөн ажлыг цалгардуулдаггүй.

-“Anemone” хамтлаг шинэ уран бүтээл хийж байгаа гэсэн. Өнөөдөр хамтлагийн төлөвлөсөн ажил юу байна вэ?

-Өнөөдөр клипний зураг авалттай. Дууныхаа нэрийг одоогоор нууцалмаар
байна. Энэ клипийг “V” студийн хамт олон хийж байгаа. Орой нэг тоглолтод
оролцож дуулна.

-Шинэ цомог хэзээ гарах бол?

-Манай хамтлагийн анхны цомог “Anemone” нэртэйгээр гарна. Ирэх сард
бэлэн болох байх. “Хаврын хайр”, “Төрсөн өдрийн мэнд хүргэе ээжээ”, “Чи
яг дурлал шиг” зэрэг дуугаа дахин шинэчлэн бичүүлж уг  цомогтоо
оруулсан.

-Цаашид төлөвлөсөн ажил юу байна вэ?

-Ирэх сард шинэ клипээ үзэгчдэдээ хүргэнэ. Үүний дараа шинэ дуугаа бичүүлэхээр төлөвлөсөн байгаа.

-“Making The Band-3” шоуны ялагчид тодорч телевизээр орой болгон
гарч байгаа. Та үзсэн үү. “MIX.X” хамтлагийн шинэ дууг сонссон уу?

-Үгүй ээ. “Making The Band-3” шоуг үзэж амжихгүй байгаа. Шинэ уран бүтээлийг нь ч гэсэн сонсч амжаагүй явна.

-Таныг А.Сүхбат аваргатай холбоотой гэсэн мэдээлэл гарсан. Та аваргыг таних уу. Энэ талаар юу хэлэх вэ?

-Аварга А.Сүхбат гэж сонсч байсан. Түүнээс биш танихгүй ээ. Би яагаад
ийм мэдээлэл гарсныг мэдэхгүй байна. Эх сурвалж нь ч мэдэгдэхгүй байгаа.
Энэ яриа үнэхээр их тархаж байна. Ор үндэсгүй худлаа мэдээлэл гэдгийг
хэлмээр байна.

-Уран бүтээлийн өндөр амжилт хүсье?

-Баярлалаа.

Б.МАРАЛ