СЕХ-ны
нарийн бичгийн даргыг томилох асуудлыг хэлэлцэх үеэр гишүүн Ц.Нямдорж
“Би 20 жилд СЕХ-ны нэг ч гишүүнтэй ярьж үзээгүй. Дандаа дарамтад байдаг.
Ялагдсан тал нь дандаа СЕХ-ны гишүүдийг дарамталдаг. Ч.Содномцэрэн
дарга 2012 оны сонгуулийн дараа “Машин шударга юм байна. Энэ сонгуулийн
дүн шударгаар гарлаа” гэж хэлсэн. Ерөнхийлөгчийн 2009 оны сонгуулийн
дараа Н.Энхбаяр “Би СЕХ-ны дүнг зөвшөөрлөө. Харин ард түмний дүнг
зөвшөөрсөнгүй“ гэж хэлсэн. Энэ хоёр үг хоёулаа сонгууль луйвар болдгийг
баталж байна. СЕХ-ны шинэ дарга хариуцлагатай ажиллах хэрэгтэй” гэлээ.

Санал
хураалтаар Б.Алтанжаргалыг хуралдаанд оролцсон 55 гишүүний 60 хувийн
саналаар  СЕХ-ны нарийн бичгийн даргыг томилж тогтоол баталлаа. Ийнхүү
СЕХ эмэгтэй нарийн бичгийн даргатай боллоо. Үүний дараа СЕХ-ны гишүүнээр
Д.Дэлгэрцогтыг сонгох асуудлыг чуулганы хуралдаанаар хэлэлцэж
эхэллээ.