Монголын спортод бүл нэмсэн залуу холбоодын нэг болох Монголын кёрлингийн холбоо тамирчин сонгон шалгаруулах хөтөлбөр хэрэгжүүлэх гэж байна. Тодруулбал, олимп, дэлхийн аварга шалгаруулах тэмцээнд оролцох тамирчдыг сонгон шалгаруулах зорилтын хүрээнд эмэгтэйчүүдийн шигшээ баг бүрдүүлэх гэж байгаа юм. Спортод дуртай, өөртөө итгэлтэй хэн бүхэнд тус холбооны үүд хаалга нээлттэй гэнэ. Кёрлингийн спортын онцлог нь нас харгалзахгүй учраас хүн бүхэнд боломж бий.

Монголын кёрлингийн анхны шигшээ багийн гишүүн болж, цаашлаад тив, дэлхийд эх орноо төлөөлөх тамирчин болохыг хүсвэл дараах хаягаар холбогдож болох юм байна. Мөн анкетийг бөглөөд онлайнаар илгээх боломжтой юм байна. Анкетийг ЭНД дарж татаж авна уу.

Бүртгэлийн анкетийг аравдугаар сарын 22-ныг хүртэл хүлээн авах ажээ.