Шүүмжлэгчид болоод хөлбөмбөгчдийн зүгээс тухайн цаг үеийнхээ хамгийн шилдэг хамгаалагчдын нэг хэмээн үнэлэгддэг Эшли Коул энэ улирал дуусгаад “Челси”-г орхих бололтой. Учир нь Эшли Коулын гэрээ энэ улирлын төгсгөлд дуусгавар болох бөгөөд багийн удирдлагатай шинэ гэрээний нөхцөлийн тал дээр тохиролцож чадаагүй гэнэ.

Багийн зүгээс түүнд гэрээгээ нэг жилээр сунгах санал тавьсан ч Коул үүнийг хүлээж авах боломжгүй, тиймээс ирэх нэгдүгээр сард нээгдэх өвлийн солилцооны үеэр “Реал Мадрид”, “ПСЖ” зэрэг гадны багуудтай санал солилцох талаараа хэдийнэ ам нээжээ.