-Баярлалаа. Юуны өмнө та­най сонины нийт уншигчдад эрүүл энх, хамгийн сайн сайхан бүх­нийг чин сэтгэлээсээ хүсэн ерөөе. Хүүхэд багачуудын асуу­дал бол аль ч улсын тэргүүн зэр­­гийн ач холбогдолтой, ямагт анхаарлын төвд байдаг зүй­­­лийн нэг билээ. Тиймээс хүүх­­­дийн төлөөх ариун үйлсэд гар бие оролцох болсондоо баяртай байгаагаас гадна ихээ­­хэн хариуцлагатай, нэр хүнд­­тэй алба учраас бүх хүч, оюун бодлоо дайчлан ажил­лаж бай­на. Өмнө нь манай байгуул­ла­га “Хүүхдийн төлөө газар” хэ­­мээх нэртэйгээр бүтэц, зо­хион байгуулалтын хувьд харь­­цангуй жижгэвтэр байсан бол Шинэчлэлийн Засгийн газ­раас хүүхдийн хөгжлийн асуу­далд онц­гой анхаарч цогц ар­га хэм­жээ­нүүдийг авахаар тө­лөв­лө­сөн. Үүний дагуу “Хүүх­дийн тө­лөө Үндэсний га­зар” болгон бү­­тэц, зохион бай­гуулалтыг өөрч­­­лөн Хүн амын хөгжил, нийг­­мийн хам­гаал­лын яам­ны харьяанд шил­жүүлсэн. Нэ­­гэнт хүүх­дийн талаархи үн­­дэс­ний бод­­логыг бо­ловс­руулж, хэ­рэг­­жүү­лэхэд  нэгд­сэн удирд­­лага, арга зүйгээр хан­гаж,  хя­налт тавьж байх үүрэг, зо­хион бай­гуу­лалттай ажил­лах болсон тул бүтцийн хувьд нэ­лээд то­мор­­­­сон. Манай хамт олон хүүх­дийн асуудлыг цог­цоор нь буюу хү­ний хөгжил, нөлөөлөх олон хү­чин зүйлийн хүрээнд ялан­гуяа гэр бүлийн хөгжил, гэр бү­лийн эрхэм, адил эрхтэй ги­шүүн төдийгүй улсын үнэ цэнэ­тэй иргэний хөгжлийн асуудал уч­­раас онцгойлон үзэх нь аргагүй юм. 

-Таны ажлын ачаалал хэр их байдаг вэ. Үүрэгт ажлаа юунаас эхлэв?

-Би ажлаа аваад удаагүй ч гэсэн чамгүй их зүйл ам­жуулж, нэлээд ачаалалтай ажил­лаж байна. Тодруулбал өглөө 08.00 ца­гаас өмнө эхэлж, өдөрт дунд­жаар 12, заримдаа түүнээс дээш цагаар, бүр шөнө дунд харьж байна. Хариуцах ажлын хү­рээ, салбар олонтой ч гэлээ бүх зүйлд, нэгжүүдтэйгээ биеч­лэн танилцаж байгаа. Гэх­дээ урьдчилан хэнд ч хэлж, дуул­­гах­гүйгээр очиж , бодит байд­лыг газар дээр нь элдэв өнгө бу­даггүйгээр танилцаж байна. Энэ нь цаашдын ажилд ихээхэн дө­хөмтэй бөгөөд хүүхдийн тө­лөө чин сэтгэлээсээ ажиллах хү­ний нөөцөө бүрдүүлэн нягт­руулахад чухал хэмээн үз­сэн. Мөн хүүхдийн төлөө хамт­ран ажилладаг олон ул­сын бай­гуул­лагууд тэр дун­даа НҮБ-ын Хүүхдийн сангийнхан­тай уулзаж, цаашид  хэрхэн хамт­ран ажиллах боломжуудыг ярилц­­сан. Ер нь хүүхдийн төлөө ажил­лах бүх байгууллага, хүмүүстэй нягт хамтран ажиллах болно.

-Монгол Улсын Засгийн га­зар хүүхдэд чиглэсэн дор­витой ажлуудыг төлөвлөж, хийж эхлээд байна. Энд Хүүх­дийн төлөө Үндэсний газрын хү­чин зүтгэл байгаа нь ойл­гомжтой. Засгийн газрын хэ­рэг­жүүлэгч агентлагийн хувьд хүүхдийн төлөө олон зүй­лийг хийхээр төлөвлөсөн байх гол бодлого, чиглэлийг юунд хандуулах вэ?

-Манай Засгийн газраас хүүхэд бүрт 20 мянган төг­рөг олгох шийдвэр гар­­гасан нь цаг үеэ ол­­сон чухал алхам бол­лоо. Зөв­хөн бид ч биш нийт ард тү­мэн баяр­лаж, талархаж байгаа. Энэ нь халамжийн бод­ло­гыг хавтгайруулахгүй, зөв  гол­диролд нь оруулах анхны ал­хам боллоо. Монгол Улсын гэ­рэлт ирээдүй болсон хүүхэд ба­гачуудаасаа бид харамлах эрх­гүй, харин ч боломж олддог бол нэмээд өгөх гарцуудыг сү­вэгчлэх болно.  Хүүхдийн хөгж­лийг дэмжих нь хамгийн эрүүл бодлого хэмээн дэлхий нийт хү­лээн зөвшөөрдөг. Цаашид бид хүүх­дийн асуудлыг ярихдаа гэр бү­лийг хамтад нь хөгжүүлэх бод­логыг хатуу баримталж, гэр бүл, хүүхэд гэдгийг сал­гал­гүйгээр цогцоор нь авч үзэх бол­но. Ингэж чадвал, хүүхдийн тө­лөөх үйлс маань илүү үр дүн­тэй хурдан биелэгдэх биз ээ. Мөн эхчүүд хүүхдээ 2-3 нас хүр­тэл нь өсгөдөг байх болом­жийг бүрдүүлэх зэрэг олон ажлыг төлөвлөн эхний үе шат судалгаануудыг хийгээд явж бай­на. Аливаа ажил нарийн су­дал­гааны үндэслэлтэй байж чад­вал хэрэгжүүлэх механиз­мыг тодорхойлоход ихээхэн дө­хөмтэй болдог. Хүүхдэд эцэг, эхийн хайр  дутна уу гэ­хээс илүү­дэхгүй. Хүүхэд эцэг, эх­тэй­гээ хамт байхдаа л хам­гийн жар­­галтай, бас зөв тө­лөвш­­­дөг. Тий­мээс бидний бо­д­­ло­го зөв­хөн хүүхдээр хяз­гаар­­­лаг­­дах­гүй олон зүйлийг хам­рах бол­но.

-Та Хүүхдийн төлөө Үндэс­ний газрын харьяа бай­гуул­лагуудаар явж, ажил бай­дал­тай нь танилцсан гэлээ. Таны нү­дэнд хамгийн тү­рүүнд юу тусав?

-Мэдээж, хүүхдийн төлөөх үйлс бүхэн ариун нандин уч­раас хүүхдийн төлөө сэтгэлтэй, түү­нийхээ төлөө ажиллаж яваа хүмүүсээр бахархаж, их баяр­ласан. Хүүхдийн хөг­жил хам­гааллын төвөөр ороод үнэ­­хээр сэтгэл хөдөл­сөн. Урлагаар дамжуулан хүүхдүүдэд төлөв­шил олгодог газар шүү дээ. Шинэхэн байгуулагдсан хэрнээ маш сайхан тохижсон байсан. Бас хүүхэд бүр нь морин хуур, төгөлдөр хуур, ятга тог­лож сурч байгааг харахад сай­хан санагдсан. Гэвч бас хийх ажил  их байгаа нь харагдсан.

-Өнөөдөр хүүхдийн өмнө тул­гамдаад буй хамгийн эм­зэг асуудал юу байна вэ. Тод­руулбал, юу юугүй хан­цуйгаа шам­лан орох зүйл гэсэн үг л дээ?

-Төрөх эмнэлэг дутагдалтай, сур­гууль, цэцэрлэг хүрэлц­дэг­гүй гээд хүүхдүүд алхам тутам­даа л бэрхшээлтэй тулгарч бай­на. Бас ажилгүйдэл их байгаагаас бо­лоод хүүхдүүд эзэнгүй, ха­раа хяналт султай өсч байна. Мөн агаарын бохирдол, эрүүл бус хүнс, эмчийн хүрэлцээ хан­галт­гүйгээс болоод  хүүхдүүд эхийн хэвлийд байхаас эхлээд л элдэв бэрхшээлтэй тулгарч, төр­сөн хойноо ч ялгаагүй элдэв өвч­лөлд өртдөг гээд яривал их зүйл бий. Үүний цаана би­дэнд хийх ажил хэр байгааг хэ­лээд байна гэсэн үг. Тиймээс би­дэнд  санаачлан хийх ажил хан­галттай их бий. 

-Хүүхдийн төлөө Үндэсний газраас хүүхдэд зориулагдсан барилгуудыг судалж, цаа­шид хэрхэн ашиглах, эсвэл ши­нээр барих тухай яригдаж бай­на гэж сонссон. Энэ та­лаар тодруулахгүй юу?

-Хүүхдүүд өнөөдөр үнэхээ­р чөлөөт цагаа зөв боловсон өн­гөрөөчих газар байтугай гэ­рийн­хээ ойр тоглох, наадах ч алга дарам газаргүй болтолоо орхигдсон байна. Үндсэндээ хүү­хэлдэйн театраас өөр бараг л хүүхдэд зориулсан гээд нэр­лэчих газар алга. Өмнө нь бай­сан хүүхдэд зориулсан театр, цирк, кинотеатрын барилгууд нь өнөөдөр банк, худалдааны төв болж хувирсан шүү дээ. Тиймээс бид хүүхдэд зориулсан ба­рилгуудыг сэргээн буцааж “эз­дэд” нь өгөх боломж юу байна, шинээр нэн тэргүүнд юу барьж болох талаар тун удахгүй асуудлыг хөндөж гаргана. Энд хамгийн хүндрэлтэй нь газрын асуудал. Яагаад гэвэл  нийслэл Улаанбаатар хотын маань хот төлөвлөлтийн бод­ло­го үндсэндээ алдагдаад олон жилийн нүүр үзсэн. Гэх­дээ хүүхдүүдийнхээ төлөө хийх ажлыг Хотын захир­гаа бо­­лон Соёлын яам, Боловс­рол, шинж­лэх ухааны яам гээд хол­бог­дох бүх газар, хувь хү­мүүс дэм­жинэ гэдэгт итгэл­тэй бай­гаа.

-Бид энэ удаа паркийг бас ярихгүй өнгөрч болохгүй нь ээ. Үндэсний соёл амрал­тын хүрээлэн бага насны хүүх­дэд зо­риулсан цөөхөн тоглоом­той. Дээрээс нь өдрөөс өдөрт л газар нь хумигдаж бай­на. Магадгүй эцэг эхчүүд Хүүх­дийн төлөө Үндэсний газ­рын энэ чиглэлд анхаарлаа хан­дуу­­лаасай гэж хүсч байгаа байх?
-Хүүхдийн паркийн газрын асуудал өмнө нь ч яригдаж бай­сан. Одоо ч хүмүүсийн дунд шүүмжлэл дагуулдаг асууд­­лын нэг. Олон хүн надад энэ асууд­лыг хүүхдүүдэд ашиг­тай­гаар шийдүүлэн “Дис­ней лэнд” шиг болгож  өгөх сана­лыг тавьж байна. Хүүх­дийн пар­кийг хуучин талбайгаар нь авч, хүүхдүүдээ тоглуулах, ал­хуулах, зугаацуулах хүүхдийн ер­төнцөд нь байлгаж чадах ганц “эрүүл” газартай  болгож өгөхийг тэд хүсч, шаардаж бай­гаа. Хүүхдийн паркийн газ­раас ихээхэн тоногдож, хүүх­дийн цөөхөн тоглоом байр­луул­­сан нь бид хүүхэддээ хэр их анхаарч ирсний баталгаа гэ­хэд хилсдэхгүй. Байрныхаа өм­нө тоглоомын талбайгүй бол­­сон хүүхдүүдийн сэтгэлийг баяс­гадаг ганц зүйл бол яахын аргагүй хүүхдийн парк. Пар­кийн газраас авсан хүмүүс хүүх­дүүдийн төлөө  авсан газ­раа буцаан өгч сайн үйлсэд  нэг­дэж, хүүхдүүддээ буян үйл­дэх болов уу хэмээн найдаж бай­гаа. Нөгөө талаар  Хотын з­а­хир­гаа нийслэлдээ буй цорын ганц гэж хэлж болох хүүхдийн паркийн газрын асуудлыг зөв шийднэ гэдэгт итгэж байна. Бид хүүхдүүдийнхээ төлөө эцэг эхчүүдийг идэвхитэй, са­наа­чил­гатай хандаж, манай газар­тай хол­боотой ажиллаасай хэмээн урьж байна.

-Бас телевизүүд хүүхдийн нэвтрүүлэгтээ анхаарал хан­дуулах цаг болсон юм шиг санагддаг. Хүчирхийлэлд хэт нэрвэгдсэн кино их гаргадаг, мөн хүүхдийн нэвтрүүлгийн цаг хэтэрхий бага гээд л хүмүүс гомдоллодог?

-Бид телевизүүд, хэвлэл, ра­диогийнхантай уулзаж, са­нал бодлоо хуваалцахаар  тө­лөв­лөсөн. Энэ үеэр тэдэнд хүүхдүү­дэд анхаарлаа хандуулж, шинж­­лэх ухаанчаар хандахыг ал­бан ёсоор санал, хүсэлтээ та­ви­на. Хүүхдүүд өдөр бүр л солон­го­сын олон ангит эсвэл гэмт хэрэг, элдэв зүйлээр дүүрсэн ки­ног олон цагаар үзэж байна. Түүнийг хянадаг мэргэжлийн газар ч алга. Иймд хүүхдийн нэвт­рүүлгийн агуулгыг нэмж, цаг, давтамжийг олш­руу­лан та­нин мэдэхүйн нэвтрүүлгүү­дийг нэмэгдүүлэн сонирхолтой хүр­гэхэд хамтран ажиллахаар тө­лөв­лөж байна. Энэ мэтээр хүүх­дийн асуудал бүрт хүрч ажил­лах болно.

-Их ажлын үеэр цаг зав гаргаж, бидний хүсэлтийг хүлээн авч ярилцсан танд ажлын өндөр амжилт хүсэн ерөөе.

-Баярлалаа. Эрхэм та бүхнийг хүүхдийн төлөө бидэнтэй ямагт хамт байна гэдэгт итгэлтэй байна. Нэрт яруу найрагчийн маань хэлсэнчлэн “Монголын үрс маш олон болох болтугай”. Та бүхэнд ажлын амжилт, сайн сайхан бүхнийг хүсэн ерөөе.