2022 оны хөлбөмбөгийн дэлхийн аварга шалгаруулах тэмцээнийг нутагтаа зохион байгуулах эрх авсан Катар дэлхийн аваргын үеэр асар том болор бөмбөлөг бүтээх гэнэ. Тэрхүү бөмбөлөг нь нарны гэрэлт гялтганан солонгорч, эргэлдэх бөгөөд дотор нь жуулчдад зориулсан спортын музей, бэлэг дурсгалын худалдаа явуулах юм байна.

“Apriori Communications” компанийн мэргэжилтэн Даниэл Колетич гэгч энэхүү төслийг санаачилсан бөгөөд Ведран Педисич, Эрик Веласко Фарерра нарын архитекторууд зураг төслийг нь гаргажээ. Бөмбөлөг нь суурь тэнхлэг дээрээ алгуурхан эргэж байх гэнэ. Гадаад загвар дизайны хувьд өдрийн цагт нарны гэрэлт гялтганаж, шөнийн цагт агаарт хөвж буй сар мэт харагдах ажээ.

Уг төсөл одоогоор төлөвлөлтийн шатанд байгаа гэнэ.