Хуурамч төлбөрийн карт ашиглан манай томоохон банкны бэлэн мөнгөний машинаас /АТМ/ их хэмжээний мөнгө залилсан гадаадын хоёр иргэнд энэ сарын 12-нд ял оноосон байна. Тодруулбал, Сүхбаатар дүүргийн шүүхээс Украйн улсын иргэн, 33 настай Сергей Драновичд 10.1 жил, 24 настай Юрий Кравченкод 10.2 жилийн ял оноожээ.

Хэргийг сануулахад, тэд өнгөрсөн тавдугаар сарын 18-23-ныг хүртэлх дөрөв хоногийн хугацаанд Хаан банкны АТМ-аас ойролцоогоор 100 сая төгрөг авсан нь тогтоогдсон юм. Залилагчид  энэхүү  40 мянган еврогоор солиулж, хуруу зайны хэмжээтэй болтол нь имэрч бөөрөнхийлөөд гадуур нь гялгар уутаар бүрэн, хилээр нэвтрэхээр бэлтгэж байсныг ХХЕГ, ГИХА, цагдаагийн байгууллагууд хамтран илрүүлсэн юм.