АНУ төсвийн алдагдал 2012 онд 1,1 их наяд ам.доллар болсон нь дөрөв дэх удаагаа дараалан их наядаас давсан үзүүлэлт болж байгаа тухай Associated Press агентлаг энэ бямба гаригт мэдээлжээ. Өмнөх жилтэй харьцуулахад  төсвийн алдагдал 207 тэрбум ам.доллараар буурч, татвараас орох орлого нь 6,4 хувиар нэмэгдэн, 2,4 их наяд ам.доллар болжээ. Түүнчлэн Засгийн газрын зардал 1,7 хувиар буурч, 3,5 тэрбумын хэмнэлти хийсэн байна.

Агентлагийн тэмдэглэснээр, Барак Обамагийн засаг барьж байгаа дөрвөн жилд төсвийн алдагдал дөрвөн удаа их наяад ам.доллараас давж байгаа ажээ. Харин Обамагийн сонгуулийн хөтөлбөртөө “10 жилийн дотор төсвийн алдагдлыг эрс бууруулна” хэмээн амласан ажээ.

Өмнө мэдээлснээр 2008 оны дэлхийн санхүүгийн хямрал ба АНУ-ын эдийн засгийн зогсонги байдал нь АНУ-д 12,8 их наяд  ам.долларын зардал авчирчээ.