Америкийн  электрон барааны “Best Buy” компани “Apple”-ын хит бүтээгдэхүүн iPad-тай өрсөлдөх андройд үйлдлийн системтэй таблет гаргахаар болжээ.  “Ice Cream Sandwich” үйлдлийн системтэй шинэ таблет нь 9.7 инчийн дэлгэцтэй,  1GHz-ийн хос цөмт процесортой, арван цагийн турш цэнэгээ бүрэн барих чадалтай гэдгээрээ онцлог гэнэ. Энэхүү шинэ таблет нь ирэх арваннэгдүгээр сарын 11-нээс худалдаанд гарч эхлэх бөгөөд таблетийн зах зээлд өөрийн шинэ бүтээгдэхүүнийг амжилт олно гэдэгт итгэлтэй буйгаа “Best Buy”-ийн худалдааны төлөөлөгч Морган Стейнли мэдэгджээ.

Ухаалаг гар утас, таблетийн зах зээлийн хамгийн хүчтэй өрсөлдөгч Америкийн “Apple” компани мөн шинэ төрлийн мини iPad худалдаанд гаргахаа мэдэгдээд байгаа билээ.