“Битлз”-ийн хөшөөний урд талбайд өнөөдөр “Эрх чөлөөний парад-2012” болж байна. Тав дахь жилдээ зохион байгуулж буй энэ парад “Хүнийг хүнээр нь хайрлая” уриан дорж болж буй юм. Парадад оролцож буй залуус хүн төрөлхтний хамгийн үнэт зүйл болох эрх чөлөөгөө хайрлаж, зарлан тунхаглаж, хүний эрхийн тухай ойлголтыг жүжгээр, бүжгээр, дуугаар бас флаш мобоор илэрхийлэх гэнэ.   

Эрх чөлөөний парадыг хүнийг нас, хүйс, бэлгийн баримжаа, нийгмийн гарал байдал зэргээр нь ялгаварлан гадуурхахын эсрэг хүний эрхийн боловсрол, сурч боловсрох эрхийн төлөө “Эрхийнхээ төлөө гараа өргөцгөөе!” залуусын аян,  Монголын Эмнести Интернэшнл, ЛГБТ төв, Өөрчлөлтийн төлөөх залуу эмэгтэйчүүд, Хүүхэд хүүхдийн төлөө, Охид, залуу эмэгтэйчүүдийн эрхийг хамгаалах Гүнж төвийн дэргэдэх Гүнжээгийн клуб, Мөрөөдлийн хөтөч зэрэг хүүхэд, залуусын ТББ, бүлгүүд хамтран зохион байгуулж байна.