Барбадосын алдарт поп дуучин Рианна долоо дахь цомгийн ажилдаа оржээ.

Энэ тухай  Рианна өчигдөр “Twitter” хуудсаараа дамжуулан шүтэн бишрэгчиддээ дуулгаж, шинэ цомгийнхоо нэрийг зарлан, хавтасны зургийг нийтэлсэн байна. Рианнагийн дараагийн шинэ цомог “UNAPOLOGETIC” ирэх арваннэгдүгээр сарын 19-нд бэлэн болж, сонсогчдын гарт хүрэх гэнэ. Түүний шинэ цомгийн анхны сингл болох "Diamonds" нь өнгөрсөн есдүгээ сард сонсогчдод хүрч эхэлсэн бөгөөд өнгөрсөн долоо хоногт Их Британийн чартыг тэргүүлсэн юм. Түүнчлэн Рианна уг синглийнхээ нэрээр нэрлэсэн аялан тоглолтоо ирэх онд хийхээр төлөвлөж байгаа гэнэ. Дашрамд сонирхуулахад дуучин Рианнагийн “UNAPOLOGETIC” цомгийн дуунууд ирэх арван хоёрдугаар сард “CBS” телевизээр цацагдах “Victoria’s Secret” загварын шоун дээр эгшиглэх юм байна.