УИХ-ын чуулганы өчигдрийн хуралдаан дээр Эдийн засгийн хөгжлийн яамны сайд Н.Батбаяр  МАН-ын гишүүдэд 20 мянган төгрөг гаргаж харуулаад “Энэ юу вэ” гэсэн асуултын хариуг “нэхлээ”. Хэн ч хаанаас ч харсан 20 мянган төгрөг байна гээд хэлчих зүйлийг яагаад асуусан юм бол гэж гайхах хүн гарч магадгүй. Гэхдээ мэдээж хэрэг ямар нэгэн учир шалтгаантай болоод л зарим нэгэнд л олддоггүй, зарим нэгэнд нь бол бүр түрийвчиндээ хийхээс ч тээршаадаг энэ “том” мөнгийг “амьд”-аар нь харуулж асуулт өдсөн хэрэг.

20 мянган төгрөг бол хэрэгтэй хүндээ чамгүй мөнгө, гэхдээ мөнгө бол бүтээн байгуулалтыг бий болгодоггүй, мөнгө ярихаас илүү хөрөнгө оруулалтыг хэрхэн зөв зарцуулах вэ гэдгийг сануулах үүднээс Н.Батбаяр 20 мянган төгрөгөөр жишээ авч тайлбарлалаа.